Kven eig denne søte skoen?

Vestnesavisa fann ein nusseleg liten sko i imitert skinn på eit benkebord i Vestnes sentrum tysdag. Vi tippar at den høyrer til eit barn på rundt eit år.

Eigaren av den vesle venstreskoen nytter størrelse 18 eller 19, eller kanskje endå mindre med tanke på at den har ramla eller blitt dratt av foten. Den er elles kjøpt på Hennes og Mauritz og har merket East Coast. Saknar poden din ein slik sko, så ventar den på kontoret vårt.