Ein bil skal ha køyrt av vegen ved Tresfjordbrua. Det melder politiet på X klokka 16:28.
Naudetatane er på staden. Det var ein person i bilen. Vedkommande vert køyrt til legevakt, men framstår ikkje som alvorleg skada.
Saken fortset etter annonsa
Det er litt trafikale utfordringar då det er manuell dirigering på staden.
– Brannvesenet har fått dytta bilen litt ut av vegen slik at dei greier å dirigere trafikken forbi, opplyser Rune Huse ved politiet sin operasjonssentral til Vestnesavisa.
Utforkøyringa skal ha skjedd på aust-sida av Tresfjordbrua.
Klokka 18:09 melder politiet at trafikken går som normalt og at bilberger har henta bilen.